БЕЛТЭЛЕРАДЫЁКАМПАНІЯ ПЕРАВОДЗІЦЬ СТРЭЛКІ

У сувязі з тым, што ў сродкі масавай інфармацыі паступае шмат зваротаў грамадзян са скаргамі на парушэньне рэжыму трансьляцыі тэлеканалаў "Россия", "НТВ" і "Культура", Белтэлерадыёкампанія распаўсюдзіла афіцыйную заяву.

Непасрэдна трансьляцыя ўсіх тэлеканалаў, як беларускіх, так і расейскіх, на тэрыторыі Беларусі ажыцьцяўляецца праз сыстэму радыёрэлейных лініяў, якія належаць прадпрыемствам Міністэрства сувязі. Такая тэхналягічная схема захавалася яшчэ з часоў існаваньня Дзяржтэлерадыё СССР.

Удзел Белтэлерадыёкампаніі ў арганізацыі распаўсюду сігналаў тэлеканалаў "Россия", "НТВ" і "Культура", гаворыцца ў заяве, абмяжоўваецца толькі разьмяшчэньнем рэклямных блёкаў, вызначэньнем аб'ёмаў вяшчаньня па дадзеных каналах і ўзгадненьнем загрузкі сродкаў перадачы зь Міністэрствам сувязі. З 12 жніўня 2002 году аб'ёмы вяшчаньня расейскіх тэлеканалаў былі зьмененыя з-за пэўных цяжкасьцяў з выплатай прадпрыемствам Міністэрства сувязі за паслугі па распаўсюду тэлевізійных і радыёвяшчальных праграм.

На дадзены момант, падкрэсьліваецца ў заяве, Белтэлерадыёкампанія працуе строга па зацьверджаным раскладзе. Прадпрыемствам Міністэрства сувязі своечасова перадаецца ўся неабходная інфармацыя аб рэжыме трансьляцыяў на тэрыторыі рэспублікі. Разам з тым, Белтэлерадыёкампанія дапускае, што ў сувязі са зьменай рэжыму вяшчаньня тэлеканалаў "Россия", "НТВ" і "Культура", на тэрыторыі Рэспублікі Беларусь магла ўзьнікнуць нейкая нявызначанасьць у працы і выказвае ўпэўненасьць, што ўсе непаразуменьні будуць ліквідаваныя сумеснымі намаганьнямі ў найкароткія тэрміны.

Што вы думаеце на гэты конт?

вашае iмя
email